Ekalesia Katoliko Samoa Papatoetoe 2015 (Koluse Paia) click here to view photos>
O le a taoto pea ia faaiá sa o tailoloto paia, sā, ma faiga o le Ekalesia Katoliko Samoa Papatoetoe i Aukilani, aua le afifio o Tupu ma Tamalii, le Faleupolu o tofiga, Faletua ma Tausi, taigane le malosi o le Ekalesia, nei galo Tinā ma Tamā matutua, poo Tuaa sinasina, o e sa tauasaina le gasū o le taeao, o e sa tauina le taua, afu liligi ma afu toto, ona o fanau lalovaoa o le Ekalesia, Nei galo foi le faasausauga mamalu a Taitai ua tofia e taitaina lala, atoa ma ofisa uma. O le paia lava lea i Aiga ma o latou Tama, o Tama foi ma o lotou aiga, ae taigane Tumua ma Pule, Itu’au ma Alataua, aiga i le tai ma le Vaa o Fonoti, Sua ma le Vaifanua, Saole ma Saleaumua male launiu na saelua, Ua faamalo le tau, malo le folau, faamalo le pale,aemaise le silasila i le Atua ma lana galuega.
Ae avea ia lenei taimi, ou te asu atu ai malu i puega, ona ole vave o le taimi, ua taumafai ai Taupau ma lenei ofisa, e tuufaatasi sina tusitusiga e le tumau, e amata ai le itulau a Papatoetoe i luga o le upega Tafailagi, aua aiga ,uo, ma e masani a la tatou Ekalesia, o loo alala ma papaaao i soo se vaega o le kelope atoa foi ma Niusila nei, Tusa ai ma le iuga fono a le nofo a Peresitene e 25 o Malaeola, atoa ai ma le Afioga Patele Michael Alapia Endemann. Ina ia faalauiloa atu i le lalolagi le Malaeola ma ona Ekalesia, atoa ma ona auaunaga. O lea na ae ai se manatu ,e talatalanoa atu ma faafesiligia nisi o le Ekalesia I lona talaaga ma lona amataga. Pei ona ou fai atu ose tusitusiga e le Tumau. Ae tau ose mea e amata ai, la tatou fesootaiga male finagalo o Malaeola.
O SE TALA PU’UPU’U LENEI UA MATOU FA’AMAUINA AUA LOU SILAFIA SAMOA
E 33 matafale o lenei Ekalesia Katoliko Samoa i Papatoetoe, E tusa ma ni fa’amaumauga a nisi, o le tausaga 1980 na fa’avae ai lenei Ekalesia, ose isi tusitusiga oi luma, o le a avatu atoa ai se tala maumaututu, atoa ma e na amataina, atoa ma ofisa sa galulue I lena vaitau. Ae i le tausaga nei 2015 e 33 matafale o loo galulue pea o nisi sa amataina o loo galulue pea lava.
GALUEGA FAI O le Ekalesia e iai ona lala, Autalavou, Aoga Aso Sa, Mafutaga a Tina, atoa male Aufaipese.
Ekalesia– O loo faatinoina fonotaga i masina taitasi, galuega mo le malumalu ma le fanua o le Palisi i Papatoetoe, faatinoina foi asiasiga i e gasegase, atoa ma le faiga meaalofa, faatino foi lana auaunaga I le faia lea o afiafi faaleaiga e pei o taumafataga, ma le faatinoina atoa o sauniga o se tasi o le Ekalesia, e oo i ai le valaau paia a le Atua. Atoa foi ma le faia lea o lana faleaiga I Malaeola I aso ua togia mo I matou.
Autalavou – O loo faatino foi ana auaunaga pei o fonotaga I masina taitasi, atoa ma faaevagelia, atoa ma ana faiga meaalofa mo e gasegase. taigane faafiafiaga faasamoa, ma le tuufaatasiga o tupulaga talavou.
Aoga Aso Sa– O loo faia Aoga aso sa i aso sa e 3 o le masina, sei vagana ai le aso sa muamua ona o le Misasa Samoa Tuufaatasi I Malaeola. O loo faia polokalame mo alo ma fanau pei o movie, disco, siva faasamoa ae maise tapenaga mo lana lotu o tamaiti faapea sona sao i le aso faapitoa o tagata matutua.
Mafutaga Tina– O loo faia foi ana fonotaga I aso toonai 4, faatino foi ana asiasiga mo mea faitino aua le lumanai o aiga atoa foi ma le teuina o le malumalu ,I taimi ua faatulagaina ,o faia foi lana auaunaga I aso o maliu a le Ekalesia.
Aufaipese– O lo’o faia foi pese a le Aufaipese, I aso tofi taitasi, aua, le tapenapena atu I aso sa 4. O loo faatinoina pea pesega mo aso sa 4, atoa ma le masii atu e pepese ini maliu e tau iai nisi o le Ekalesia, ae maise pesega I Malaeola.
| Autalavou | Aoga Aso Sa | |||
| Lauvale ,Tufuga | Peresetene | Matauitaua Moasili | Taitai | |
| Sulutolu ,Vili | S,Peresetene | Alena, Pitolua | S,Taitai | |
| Meleseke Kepaoa | Failautusi | Maria, Laki | Failautusi | |
| Semi ,Vaotuua | Teutupe | Gemma, Tufuga | Teutupe | |
| Mafutaga a Tina | Aufaipese | |||
| Felanuai Tuimauga | Peresetene | Fualau Iopu | Taitaipese | |
| Ane Selave | S,Peresetene | Loleta Aukusitino | Failautusi | |
| Imeleta Laupola | Failautusi | Fa’atafa Faga | Teutupe | |
| Visi Ah Loo | Teutupe |
Ou te manatua ose tala puupuu lea o lenei Ekalesia Katolio Samoa Papatoetoe. Ona o le taimi, ae tele ni auaunaga e fia tusitusia, e tusa ma le fanoga o le ofisa aoao i Malaeola, aua le faatinoina o le upega tafailagi, e tusa ma le iuga fono a Ekalesia e 25. Faamoemoe o le a faamagalo ma faagalo, se sese o lenei ofisa.
OFISA EKALESIA KATOLIKO SAMOA PAPATOETOE, KOLUSE PAIA
Peresitene…….Taupau Fetulele, T.
S,Peresitene….Taii,Taii.
Failautusi……….Sui,Vili.
Teutupe…………Toloafa, Pasene.