O le lala o le Aoga Aso Sa, o se tasi o faatofalaiga a Tama Faaleagaga, aemaise o taitai o Ekalesia, o ē na mua i malae, ma latou faatuina le Ekalesia Katoliko Samoa i Aukilani.
O le faamoemoe maualuga, o se auala lea, e tōtō ma faafailele ai mataupu o le faatuatua kerisiano Katoliko, ina ia mafai ona soifua ma ola ai alo ma fanau.
Na faatuina le aoga Aso Sa i le tausaga e 1976.
I le taimi nei ua sefulu ma le iva (19) Aoga Aso Sa i le mafutaga. O aoga Aso Sa nei
- Avondale
- Balmoral
- Clover Park
- Glen Eden
- Glen Innes
- Grey Lynn
- Henderson
- Kingsland
- Massey
- Mt Albert
- Manurewa
- Mangere Central
- Mangere East
- Onehunga
- Otara
- Otahuhu
- Owairaka
- Panmure
- Papatoetoe
O le Ofisa Aoao o le Aoga Aso Sa, ua filifilia mai i sui o le fono a Ofisa Tuufaatasi. E faia lea faiga filifiliga i tausaga taitasi.
O polokalame uma faaletausaga, ua saunia mai lea i le Ofisa Tutotonu poo le Ofisa Aoao Aoga Aso Sa i Malaeola.
O polokalame e masani ona faataunuu i tausaga taitasi e aofia ai Semina FaaleTusi Paia, disco mo le fanau, retreat a faiaoga ma komiti, o fa’afiafiaga mo tagata mātūtūa ma e mama'i. Ae taualuga i le Misasa Faafetai tuufaatasi i le Aso Sa muamua o Novema.
O le Ta'ita'i o le Ofisa Aoao o Aoga Aso Sa o lo'o ta'ita'ia lea e le Susuga ia Matauitaua Fa'alenu'u Mo’a Sili mai le Afio'aga o Fasito’otai. O lo'o auauna o ia i le Ekalesia/Palisi - Koluse Paia, Papatoetoe.
